呢本 ” 最甜蜜的 40 週胎教 ” 真係唔錯，由台灣誠品網購過嚟之後，開頭成本睇晒，之後就每隔幾 week 就翻睇一次！佢係韓國出嘅書，以韓國過往養胎／胎教為依據！
佢成本書都好詳細，會有 bb 每週成長情況，媽媽需要注意嘅事項等！仲有爸爸需知，因為佢地認為胎教，係一家人同埋社會嘅責任！而書中亦有好多胎教知識，簡易運動同按摩，可以跟住做！整體好啱用，唯獨係食療個方面我唔 buy 佢個套！佢會建議食蠔，蜆／蟹等等，我怕自己受唔得太寒毒。加上x一個人照顧自己，唔敢亂食，雖然我係有偷食過三文魚刺身 / 壽司，同煙三文魚（如果俾我搵到有海膽我都想食）！但我都係去 d 肯定乾淨嘅地方買嚟食，同埋食過 3-4 次架咋，因為我唔只係睇一本養胎／胎教書，所以我先夠膽食以上所謂嘅 “違禁品” ！！
呢本書都真係值得旁身！我都做左好多 research 先買！希望幫到其他網上做緊 research 嘅媽咪啦
附加幾頁內頁！真係一本唔錯嘅書！
圖 1. 每週胎教
圖 2. 飲食胎教
圖 3. 按摩胎教
圖 4. 運動胎教
點擊便能為這篇文章進行評等！
[評等總次數: 0，平均評等: 0]