A Day in Brighton

22.7.2013 星期一

一早食到男友媽媽手製杏桃醬,好新鮮啊!

去咗買蜆同龍蝦煮 lunch 食!淨係煮咗蜆已經停手,費事食飽咗晏啲燒唔到野食!

蒜蔥蒸蜆, £1.2 / 隻,好大隻!正!!

夜晚去男友二哥到燒野食,外國人係一個男人負責燒哂啲野,之後大家 share,我都係鐘意港式 BBQ, 一人一支叉,圍住坐埋,一路燒一路傾計!

23.7.2013 星期二
今日放假,本身好想做下電腦野,俾人捉咗去 Brighton!
臨出發前,煮返琴日買嘅龍蝦,其實呢邊買海鮮好平,呢隻龍蝦差不多  1 KG, 只係 £13 左右,點知當我煮果陣,男友話要烚o左先可以炒,因為一刀殺死佢哋好唔人道!!!我o地香港人用油炸咗先架嘛,佢話太殘忍, 佢仲幫佢改名,叫隻龍蝦做 Freddy, 哈哈哈,低 B 仔!!!改完名,有感情,先煮人哋嚟食,唔係仲殘忍咩?!?!

之後男友起晒殼,得返啲肉,我切件用薑蔥炒,撰啲花雕酒,5 分鐘就食得,之後就出發去 Brighton !

Freddy 啲肉好爽脆,好厚身!

Brighton 車程一個鐘,個石灘好靚呀,勁有渡假 feel,有啲小檔仔買切件海鮮,我o地食o左 mussels 同響螺肉,啲 mussels 勁鞋口

行多幾步,又有另一檔,呢檔有蟹食,而且比起之前買個檔,呢檔啲海鮮靚好多,£5.75 一大隻 fresh dressed crab,我o地 2 個 share 嚟食,超級好味,我最愛食蟹,佢啲蟹膏無得頂!!

之後都係四圍行下,買下菲林,睇下結他, 休閒咁過o左個 day off !

呢個 Victoria cake ,個樣真係好靚,俾佢個靚樣氹到,買咗 2 件,可惜唔新鮮,至少放o左 2 日,個邊位勁硬,如果係新鮮 cake, 肯定會好味好多!!

除咗食街邊小食檔,我o地又去o左 American Dinner 飲 milk shake!!

遊客點都要拎一本嘅!!

美國 style 餐廳

係咪真係美國 size ?!?!所以咁鬼大杯?!?!!一杯正式o既,另外一杯俾你自己 refill !

一齊做肥仔

飲完本身諗住行海灘架,點知飽到度度都唔想去,就返 London lu ! 之後去o左 farm shop 再買工具!呢個煙燻蒜頭,行過都覺得香,下次要買嚟煮飯食!!
自從男友有o左個 chinese girlfriend, 佢嘅生活飲食,同習慣,都非常中國人,而家連茶壺都買埋,愛上中國茶!!

24.7.2013 星期三
唔會忙碌嘅閒日,今日熱得有啲焗

收工男友煮 白酒檸汁 mussels 食,好好味耶

但只係煮 mussels 唔夠飽,又出咗去 Byron 食 burger, 係我挑剔?定我唔識食,我覺得塊肉啲燶邊位好苦,煙肉又煎得好硬好老,但呢間嘢係好出名,同勁多人去食!

去程見到啲雲真係好靚

回程,日照時間完結,個天都係好靚

食完 burger 再食 Fo-Yo, 多種口味,香蕉/蜜糖/朱古力/Samba Tart 味,天氣熱,食到個肚就黎爆!!

我哋每次見到貓狗,都會好興奮,男友鐘意所有嘅狗,我鐘意大部份嘅貓,我成日見到都會抱起佢哋,跟住條友都會叫我齋睇好啦,唔好太肉緊,我而家叫呢條友做 Cat Police – who protecting and checking the cat in the street  >> keep them away from me ! hahahahaa

上 / 下一篇文章

臉書留言

一般留言

發佈留言

發佈留言必須填寫的電子郵件地址不會公開。 必填欄位標示為 *