今日雖然落住微雨，但板球賽並無因此而改期 (好彩o者)！！我哋嚟 Birminham 做嘢，如果改期，又要訓一晚酒店的話，真係時間蝕 及 加重成本！
對上一次球賽係高爾夫球，高爾夫球確實係 richman game, 人流質素同衣著真係會同其他球迷有幾大嘅分別！當然，對我嚟講，都無影響，都係做嘢啫！
板球嘅球迷，談吐比較粗獷，反之，比較熱情！
基於愛拍人，又愛自拍，所以即使拎住電話當相機用時，每次我都當自己係戰地記者咁，四圍影！
雖然我唔係好知佢係邊一隊嘅吉祥物，但佢就係第一隻係場內行來行去嘅！！之後仲有一大班唔同種類嘅動物吉祥物，不過之後唔得閒影 lu !!
每次去 event ，都會有啲特登打扮到好高嘅人喺場館入面營造氣氛，2 星期前 olympic park 就有 2 個「高」人邊行邊玩默劇，今日板球比賽，就有「高」人球員！！
而今日見到咁多件大會嘅 promotional item : bom bom stick，大手掌，banner ,紙扇 等… 以呢件 item 最靚仔，又貼題！！！ Paper Headgear – 紙頭盔！！ 每個頭盔都印有唔同嘅隊伍！！我以下呢個，係 Essex Cricket 嘅！！好精美！
我見佢印得咁靚，睇到佢啲資料，上網 check 條 link, 原來呢間係英國專門幫啲公司及團體整紙頭盔 / 紙球帽 等等… 嘅 production 公司。
有興趣的話，打以下條 link 就可以搵到佢哋 同 睇下入面啲相同資料！
今日，係一次過有成 3 場賽事，每次完場放 Break ，球迷都會好熱血，自己就地搵個 corner 嚟個比賽，圖入面只係其中一隊「自組賽事」！！！可見佢哋真係好熱愛板球！！！
點擊便能為這篇文章進行評等！
[評等總次數: 0，平均評等: 0]