翻睇舊照片，4 月的北京，每日都乾燥寒冷，嗰朝早要開工，化妝師幫客人上底妝嘅時候，我哋離開酒店搵早餐食，仲記得個日好凍，好想搵碗粥可以暖下個身之後開工，但唔講唔知，原來粥，係潮洲o野，所以，北京唔係咁易搵到粥嚟食。
而北京之行，我有兩日都頂唔住佢哋太油膩嘅食物，食o左 2 次當地嘅小米粥，啲米勁細粒，好似飲緊薏米水咁。
3－4月，係北京天色好好嘅時間，一早，陽光雖然刺眼，帶點乾燥，但啲風吹埋嚟，都好舒服
見到呢檔街邊檔，即煎嘅餅皮煎得好香，我哋都停下腳步，買咗 2 份嚟食， 有得揀豬扒同香腸
佢將餅皮煎香之後，會打隻蛋上餅面再煎，之後將煎 pan 整個揭起，放入煎香o左既餅皮去爐下面焗至乾身
另一邊，企檔嬸嬸預備榨菜餡料同兩款醬油，等材料煎好
而焗好嘅餅皮，同已煎好嘅豬扒同腸仔
之後嬸嬸將餅皮塗上醬油，放入肉及榨菜，包好。
盛為 RMB $2 / 份,
有蛋、腸、榨菜、醬油，只係 $2, 都有啲心寒，是黑心食品？！
但我哋無諗太多，唔係日日食的話，應該唔死的，一口咬落去，好香脆，帶鹹香，只可以話：好味！！
點擊便能為這篇文章進行評等！
[評等總次數: 0，平均評等: 0]