英國菲傭:香港人無錢,又以為自己高高在上

琴日倫敦熱到飛起,我遇到一個帶著外籍小女生放學o既菲律賓傭人 Lita,佢話我知佢o岩o岩o係家鄉返黎,同琴日倫頓o既氣溫有得 fight!

之後佢問出我係香港o黎o既,就話我知,13 年前佢有 7 年o係香港做過o野,仲記得香港好多地方名:何文田,洪水橋,灣仔,中環,又記得地道小食豬紅,牛雜,廿蚊一碗好好味!!

佢而家經已住o左響倫頓 10 年喇,我問佢:你鍾意香港定英國?

佢無諗,直接答我:英國!!香港 d 老闆好差,要做足 24 小時,又以為自己高高在上,又無保障,又無福利。

我又再追問:當時你最後o既人工大概幾多呀?同而家差得遠嗎?
Lita 更加不忿:「我得 HKD 3600 ,日日無停咁樣做,當時我係o岩o岩出o黎做o野果幾年,好多o野都唔識,我唔係部部機器都識得清潔,d 老細又無話我知,我用自己方法清潔完之後,佢一直鬧我,話呢次係第一次警告我。」

我o地屋企無請過菲傭,但睇廣告睇得多,話佢o地受過專業訓練,樣樣識,唔通只係 d agent 食兩邊茶禮o既呃人手法?人o地做錯一次,其實真係用不得即刻鬧o既?

我曾經一位友人屋企有菲傭,友人一家o既態度非常唔友善,更鬧爆當時傭人面上穿環「唔知似咩樣」,我體會到 Lita 當年o既難處,點頭回應:「我明白佢o地可以有幾惡!」

Lita 再繼續講:佢o地唔鍾意我o地菲律賓人,我o地有同其他菲律賓同鄉做朋友,d 老細唔鍾意,又會鬧到七彩!

「我而家係呢邊 10 年,每週薪係 GBP 300,同老闆一家人一齊住,每日做 7 個小時,傍晚 6 時我就正式收工,可以有自己私人時間,我只係照顧佢o既小朋友,我唔需要煮飯,而且有保障,有福利!最緊要佢o地對我好似朋友咁」

「舊 agent 曾經搵過我返香港做傭人,但我做o左呢邊之後,發現自己過唔返香港果邊o既生活,佢o地唔當我o地係人」

Lita 望落去都差不多 40 歲,結o左婚,老公留o係菲律賓,為o左賺錢養家,離開家鄉 10 幾年,希望儲夠錢再回鄉,到時再睇下有無機會生細路仔。

佢令我有更大o既驚訝,係佢睇唔起香港人:「而家我搵到錢,又係呢邊生活到,d 香港人,來到英國,用香港錢過來洗,都洗唔起錢,佢o地只識得睇唔起窮過佢o地o既人」

姑勿論好多新聞上,d 菲傭虐兒,咩地方都有好同壞人,照一般僱主相處關係的話,其實互相尊重同溝通真係好重要,作為管理層o既,都唔可以老奉太多o野,又或者老奉覺得,你唔識做就扯人啦o既心態,講真,大家都係互惠互利,有求於人,搞到「窮得只剩下錢」,人格都沒有了,是真的窮得太可憐。。。。

Lita:「佢o地來到呢度都洗唔起錢。」無諗過,人o地都有一日笑我地哩?!

點擊便能為這篇文章進行評等!
[評等總次數: 0,平均評等: 0]

在〈英國菲傭:香港人無錢,又以為自己高高在上〉中有 2 則留言

  1. 其實都係睇吓遇到咩工人同埋遇到咩老細~!!呢邊300鎊一個星期…工時又短..比我都唔揀呢度啦~同埋…呢度大環境跟本就係樣樣都RELAX D~

  2. 真係講得無錯呢!!! 不過自己都係香港人嘛,真係想多 d 人,可以即使係管理層,都會尊重人!!