琴日朝早起身唔使趕頭趕命，攤喺牀玩 app 玩相！ evian 出左個新 app 將人返老還 B, 我整左自己同男友，我整完問佢似唔似佢細個？佢話唔似！我嗰張更加唔使講！我又唔係鬼妺，哈哈！不過個 app 都幾得意！
而琴日亦終於頂唔順，除左之前幾日可以自己煮餐健康啲之外，其餘大半個月早午晚三餐食各式街檔食物！雖則好味，但食足大半個月，真係好肥，又去唔到廁所，前晚上磅重左 2kg ! 大鑊！
我同男友講：我唔想再食街檔野，健康啲，我淨係要 fiber 同 protein !
隔左一個鐘，佢拎一袋野返黎，有雜豆，沙律，烤雞肉，芒果粒同奇異果汁！佢行左大半個鐘出去買返黎，真係超抵錫！
其實我邊食得到咁多？？！
扒完個沙律之後勁忙，第一次睇唔到龍尾咁做足 6 個鐘！！
地方又嘈，只係 2 日，我已經聲沙，中途男友又買咗個椰青嚟探班，冧冧！
6pm, 完唒所有人龍之後，同男友 take 個 break , 飲少少啤酒睇 show ! Girls band – Saturdays
沒有太興奮，睇開日本韓國女子組合如何跳舞跳得整齊有勁，所以覺得佢地只有揮動少少手腳，又唔齊，跳得好流！而黑裙的成員仲係有住身孕嚟唱同跳！
幾首歌之後，輪到 the Beach Boys, 等佢地出埸之間，有義工人員派水俾大家飲，預防大家中暑暈倒，非常貼心！
年近 80 歲嘅主音，同隊 band 先後出場，我淨係識佢地一首歌咁大把，佢地都幾好聽，中途個主音仲同自己個囡唱左首情歌，跳左隻舞！
睇左成個鐘，去食少少野，男友發現咗檔超好味嘅 burger ! 真係超好味，啖啖新鮮免治牛肉，肉味濃，啖啖肉粒都爽嫩！而且薯條鮮炸，最愛軟身薯條！
為左少食澱粉質，個 Bun 由男友處理！哈哈！
食完個包再開工，之後又到 JLS 出場
點擊便能為這篇文章進行評等！
[評等總次數: 0，平均評等: 0]
在〈終於見到第一條人龍！〉中有 2 則留言
我都飲椰青唷~!!!你HONEY喺邊度買架~??
佢有 2 檔流動檔仔係賣椰青架，唔知係咪特別 event/ fun fair 先有，因為我o地都係去做o野，平日真係唔清楚呢！！ 😛