自從男友o既嫂嫂生o左之後，佢媽媽就從阿根廷過o左嚟陪月喇！！當然，外國人係無坐月呢回事o既！！但過o黎照顧自己個女，同照顧自己外孫都係有必要的喇！！
繼上次我煮 9 人份o既中菜，兩位媽媽勁幫手切o野，令到我o地 3 個o既默契即時加深左!!今日我做完o野，返到嚟見到佢o地又o係廚房到忙，我都幫下手先！！
男友嫂嫂o既媽媽 sylvia 笑說：我o地宜家係 international cooking，唔同國家o既人一齊煮飯！！
哈哈！！又係 wor！！
呢隻係阿根廷餃子 Empanada！！ 媽媽 S 上次包o左 70 隻，今晚包o左 30 隻！！呢隻餃子包好之後，180 度入爐 20 分鐘，期間反反佢，等佢底面都金黃色！
以下呢個，就係我今晚o既晚餐：意式蛋餅+沙律+阿根廷餃子
男友仲未返，我o地 6 個人開飯！同媽媽級食飯時，佢o地成日最擔心o既，就係：「你食唔食得飽」
以下個份量其實對我o黎講，已經係太多，佢o地仲想放其他o野落我隻碟到，有男友係隔離時，佢會幫手阻止，今晚我都同兩位媽媽講，我食完呢碟先再添，成功截停佢o地！！
我個肚就o黎爆炸！！勁飽！！
意式蛋餅：入面有青瓜片，芝士，鹽！！鹹o左少少！！好飽肚！若果少 d 鹽的話，用o黎做減肥餐 (蛋白質+纖維) 都唔錯！！
阿根廷餃子 Empanada，當中o既餡料已經一早煎好o晒，包完再入爐焗，呢隻係：豬肉，洋蔥，烚雞蛋，孜然粉，其他調味料等等，相當惹味！類似咖哩角之類o既惹味小食，但入爐焗，無咁油膩，我上次食o左 5 大隻！！
媽媽 S 包o左兩款，另一款係：火腿，芝士，洋蔥，炒蛋！我個人偏好呢隻口味多 d ，但因為外表無任何記認，所以今晚「唔知邊隻打邊隻」，無食到！
呢件都係同餡料，但用o左酥皮！！！ 酥皮真係好鬼死好食呀！！！！如果無食蛋餅，我一定食多 3 隻！！
點擊便能為這篇文章進行評等！
[評等總次數: 0，平均評等: 0]