腸胃炎 vs 呆哀你

最終琴日嘅胃氣脹,演化成實際嘅腸胃炎!仲不停想作嘔,但就只能嘔幾啖水,最終成日攤響床,頭暈暈上網!

男友既媽媽晏晝返到嚟,整咗杯熱檸水俾我,又拎埋桶,怕我趕唔切去廁所嘔,仲叫我休息多啲,坐響床邊睇住我訓覺 (雖然我覺得好窩心,但基於勁尷尬之下,我只好合埋眼扮訓,等佢安心啲),佢望足我 10 分鐘先離開間房,唔係自己個囡都睇得咁實,真係好感動!
男友腸胃都不適,痾咗幾次,提早返嚟睇我,見到我面青青,佢好擔心,但又唔識照顧我,只係陪響我隔離,久唔久就同我講「呆哀你」!我一聽親就忍唔住笑,直到夜晚,我先終於好返啲,面有返啲氣息!「 babe 你終於變返黃色了,呆哀你」
雖然佢飲食上照顧唔到我,但腸胃炎嘅一日一夜,佢都一直坐響隔離!咁樣嘅情人關係令人好有安全感。
20171225220304 90

點擊便能為這篇文章進行評等!
[評等總次數: 0,平均評等: 0]