以下呢個表，真係養成好習慣嘅好幫手，有記錄的話，就可以自己篤促自己！
知道有左 9 個禮拜之後，我打從第 10 週開始記錄到而家 27 週喇！當中最基本同重要嘅一項，係排便習慣，孕婦好易變成便秘體質，如果知道自己 2 日無大便，就已經係警號，要改變飲食同活動習慣喇！
如果有網友有要求的話，我都可以整個 soft copy 等大家 print 出嚟用的，以下係個人認為重要又想盡行胎教嘅項目，包括：
日期，懷孕週數，孕吐次數，卵磷脂攝取量，吸取魚油，孕婦維他命，跟寶寶交流次數，聽音樂次數，散步次數，產檢記錄, 其他備註等等… …
就當係訓覺前要填表一樣，每日記錄上述狀況，e.g. 去到 13-14 週，當時有 5 日便秘了，即時改變飲食習慣，我個人就係食熱麥皮，就可以輕易解決便秘 (但其實等 5 日後先發現同解決，都已經好慢，所以只係試過一次咁大把)，而 24 週開始連續 3-4 日有腰痛，亦開始坐 fitness ball 就解決左，可見如果有記錄，對於自己同 bb 嘅狀況都可以輕易追查喇！所以都建議各媽媽為自己記錄一下，我係所有事都鐘意圖文記錄嘅人，BB 出世後，亦會有佢自己嘅記錄表！等我記住每日有咩係要做 e.g. 聽音樂，做 baby massage, 交流，講故仔時間等等… …
而 18 週開始，當我日日填表，填到自己都上晒腦，知道夠鐘聽音樂，夠鐘同 bb 傾下偈，當一切已成習慣！所有事就會好好辦，尤其係想認真進行胎教嘅媽咪！！
大家一齊加油喇！
點擊便能為這篇文章進行評等！
[評等總次數: 0，平均評等: 0]