25.09.2013 Wed
前晚，為嫂嫂 jo o既爸爸媽媽一齊返o黎食飯，男友o既媽媽，預備 10 人份o既意大利餐!!! 枱上面o既，都係前菜！！當中有薯片，沙律，芝士，烤包等等… …淨係沙律，都有 3 款！
呢種食法，真係又簡單，又好食，橄欖油放底，番茄切片，灑上香草同鹽，放埋 mozzarella cheese, 好鮮味！
每餐飯必有o既沙律
芝士，橄欖，雞豆醬，沙律混果仁
大家食完前菜，其實已經好飽，之後先煎牛扒，每人一件，仲有埋甜品！！！ 好飽呀！！！
返屋企，而家隻貓唔黏我喇，淨係黏住男友，好妒忌呀！！明明每晚佢都要我 tum 佢訓，淨係要訓覺先o爹我，真係好狡猾！！呢隻貓，一見到全屋熄晒燈，知道人類夠鐘訓覺，就會「咕咕」叫，要我攬住佢，攬夠佢先會走去床邊到訓！！！
幾日無 update，因為日日刨書，已經刨o左一本「最甜蜜的 40 週」，而家睇 七田真，當中提及o既「卵磷脂」「滋養鐵」同「壽元」，除o左買到「卵磷脂」，另外 2 樣都唔知邊度有得買！！！
而家 10th 週，自從睇o左呢 2 本書後，我已經提早同肚入面o既 bb 傾偈，男友見我自言自語咁，開頭覺得怪，而家接受到，但仲未能夠同我一齊對住個肚傾計，爸爸，加油啊！！
點擊便能為這篇文章進行評等！
[評等總次數: 0，平均評等: 0]