[30 週] 65.5kg , 體重於正常範圍之內啊！開心!! 雖然人人都話我 7 個月肚細！但我同 bb 都係好健康，所以唔擔心咁多 lu !
7 個月肚係我覺得最舒服嘅時期，雖然一直都無特別唔舒服！亦暫時只係抽過一次筋！係背脊會有時 keep 住扯住痛，但 4-6 月，成日想食零食，7 個月開始，唔再想亂食野，可能覺得就快就生得，心情都輕鬆得多！而且 bb 亦唔再係一拳一腳咁打落 d 內臟到，係成個身轉動同反身，雖然有時都會嚇一嚇，但亦都覺得好似有隻水母係個肚到游下游下！其實都幾正
啱啱有左個排，特別鍾情濃味，辣味野，薯片呀，杯麵呀！都超級想食！但孕期第三期開始，開始鍾愛甜食！！！仲唔再想食咸辣野！確係會有變化呢！
至於琴日我地都買左 bb 車，本身睇中 4moms 呢款 Origami !! 車仔連 小童椅 & carry cot, Baby Nest 做緊特價, £929, 不過上網由美國訂過嚟可以揾到 £650 呢個靚價呢！
試玩左，覺得好大部呀！！！仲要重成 23 磅！
試玩短片
Testing 4moms Origami from malitoli on Vimeo.
其實架 bb 車真係好型嘅！！個 sales 都話買呢部車嘅人，係男士居多喇！
而樓下呢部咁夢幻嘅 bb 車！價錢更夢幻！哈哈哈哈！盛惠 £1,500 , 真係貴族人士用架呢！
而老公非買不可嘅 4moms mamaroo,據說可以模仿媽咪肚入面嘅搖晃，等 bb 可以安心訓覺，道德上同照顧上都覺得，一定係自己抱住訓最好，好明顯係我老公借仔仔過橋買俾自己玩嘅玩具！都係由佢買好喇！
買左返嚟即刻砌起 lu
仲買埋 Bugaboo Bee – Andy Warhol 特別版 bb 車！呢邊真係好古怪！bb 用品係可以拎嚟炒架！用完可以更高價或原價出讓！！我都要 keep 住佢新 d 先得！！
想要即時交流生活小事？請到 facebook blog：
點擊便能為這篇文章進行評等！
[評等總次數: 0，平均評等: 0]