2013.09.17
我唔係偷懶唔再打 blog, 自從 9 月 5 日發現有孕之後，開始打「無公開」o既日記，因為未夠 3 個月嘛，胎未穩，唔應該公開！但今日o既事，令到我同男友好沮喪，所以而家要公開四圍去問人！亦可以大膽講出o黎喇！！
自從有孕之後，我同男友都轉化叫對方做 daddy / mummy…….. 但一切比以前更甜蜜，相處融洽度比之前有增無減, i am so happy ！！
之前已經 check 過一次，但做爸爸o既，好想知道週數，又買多支 clearblue o黎 check，根據說明書， 「3+」已經係醫生口中o既 4-5 weeks，但據我自己o既症狀 + 月經期數推斷，應該有 7-8 weeks 喇！
o黎o左呢邊幾個月，旅居嘛，就係無地址証明，搞到 GP 申請唔到，今日去 NHS 又俾人轉介去服務熱線！！想好好為 bb 檢查一下，都變得好困難！！我o地只係想自付費用檢查，都唔許可！！上網 check 過，係可以自費檢查架 wor！！？？！？！
琴日仲打o左電話 confirm ，今日落住雨，變成白走一趟。
我最想肯定 bb o既一切係健康o既，男友一直笑笑口：「即使好多未知數！我o地都會慢慢拆掂晒佢架，放鬆 d！！」
我個人已經好 positive, 遇到個比我更 positive o既人，唉… … 好啦，唯有自己放鬆 d ！哈哈！
途中雖然好急躁，但收到台灣誠品o既 SMS，我訂購o既一堆育兒／胎教書，16 號晚訂，17 號已經寄出！！好心急想快 d 刨晒佢o地！！！
我有試過諗住去倫敦中文o既書局買書睇，但上網望過下，都係簡體書，仲要 £ 11-12 / 一本，我台灣網上訂完，寄埋過嚟英國，都係 £ 8-9 / 本，仲要係繁體靚裝版！！真係無得比！
本身有打算結婚o既我o地，突然快成咁，搞到唔知邊樣要做先！！今日睇唔成醫生，簽證o既o野又係會令人好頭暈，所以決定聽日搵律師行幫手！聽日會係律師行一日遊，我好想拿拿林攪掂，趁行得仲係好方便時，即刻返返香港見屋企人同朋友，好掛住 d 茶樓，小型麵包鋪，港式 BBQ….. ….. 雲南桂林米線呀！！！HELP!!!!!!
希望一切順順利利啦！！
除o左胃氣脹，頻尿，頭暈，真係無乜點樣嘔，只係上兩星期仲未知自己有孕，飲o左 3 杯 sangria，第二日嘔到九彩，仲以為腸胃炎！！真係好笨！！
只係嘔得一次，所以已經心存感激，覺得已經比較幸運！！琴日食完早餐， daddy 帶我o地去行山！！
我o地第一次「 3 個人」一齊影o既相！！其實個肚未有咁大，只係放o左副太陽眼鏡o係個袋到！哈哈！！
點擊便能為這篇文章進行評等！
[評等總次數: 0，平均評等: 0]
在〈升級了，媽媽我很忙！！〉中有 2 則留言
嘩！
恭喜哂，放鬆啲啦媽媽，雖然講就易做就難，一步一步慢慢ko哂啲難題。。媽媽開心，bb開心
我已經喪做 research, 仲即刻買o左 一堆書！！睇o左之後，真係令自己放鬆好多！！我有睇你 blog 架，加油啊，好快到你架喇！！