好辛苦！！最近經常胃氣脹，應該係飲得有氣 lemonade 太多，又成日食太飽 << 我o既食量係好細，但又易吸收，代謝又慢，好易肥，真係慘！！！
琴晚收工之後，男友興致勃勃諗住同我去 Belgo 食 mussels + chips, 點知執o左笠！轉去食西班牙o野，好o野，有蠔有 mussels，仲有 sangria…etc, 好開心咁啦！！！又食得過飽之下，個胃有啲負荷唔到，開始頂住頂住，咁繼續脹住返屋企！
勁易飲醉o既我，只係飲o左 2 杯半 sangria，已經 wing o左 lu，一返屋企就瞓，點知 2am 男友隻貓要扭抱整醒o左我！
一醒o左就更唔對路，胃氣脹，又嘔唔到氣放唔到屁，勁谷住！食o左「幸福胃的素」都唔得，坐o左向度，好醒瞓o既男友見我醒o左，開始搵藥俾我食，即時懷念香港真係十萬個方便，無咩都好，都可以即刻落街買，呢一刻好肚痛o既我，好想要類似萬金油之類o既物體可以搽下個肚！
我即刻上網 google 點解胃氣脹同點樣自救，原來真係呢幾日食o既o野出o西事：
食豆類食物，洋蔥，飲汽水，食過飽，之之類類… … 再加上唔知係咪頭先 d 蠔唔乾淨？我食完止痛藥之後，反而作嘔 + 頭暈
男友好擔心，同我講，你個胃太多氣時，要放啲屁，之後隨即係我隔離放o左個長響屁「砵。。砵。。。」做示範…… 真係想打鑊佢！！
不過我都無力理佢，嘔下暈下，6am 終於瞓得返。
訓醒仍然有反胃感覺，攤o係床到上 facebook，睇到各朋友 upload o既食物相，o係我有反胃感o既時候，睇到就想嘔。。。。但諗諗吓，都唔可以唔食o野，落樓下煮個粥食啦，屙嘔之後，人體要補充鹽份，唯有煮白粥加鹽。
因為唔o係自己地頭，去o左男友屋企人到，無自家o既調味料同薑蔥之類，呢一刻，好掛住陳皮，薑絲，尤其十萬分之想食「皮蛋瘦肉粥」！！！！
自治胃氣餐： peppermint tea + 有鹽白粥
點擊便能為這篇文章進行評等！
[評等總次數: 0，平均評等: 0]